'O Kapilimehana, 'auhea wale 'oe
E maliu i ka heahea 'ana mai
He 'eu ka 'ano'i wela i ka piko
Hō'olu mai ho'i ē

E ka pā aheahe 'inikiniki mālie
Kai lawe mai ia'u ka ho'ohihi
E mai ana e ka ahe me he ipo ala
He pono ho'i kaua

Maika'i ke anu i ka Nu'uanu
Noenoe i ke kapa 'ohu o luna
Uhiuhi ke ahu welo a'o Hina
Lawe mālie i ka pō

Nani wale ka 'ikena o ka lā pi'i
Ka wena lamalama 'olu i ka poli
Ua ala ke aloha ma ka hikina
A e pi'o mau i nā lani

Eia ka puana o ka mele wehi
No Kapilimehana e ō mai
I laila i kahi hele 'ole 'ia
E nanea hou i ka la'i