Auhea wale 'oe e ku'u ipo lā
Eia mai au ke kali nei lā
Mai lohi mai 'oe e ku'u ipo lā
E ala wiki mai 'oe

'O 'oe no ka'u i mana'o ai lā
He mea nui 'oe na ka pu'uwai lā
Hau'oli au i kou leo nahenahe
Kou leo me ke aloha

Ka'a puni aku a puni ka honua lā
A 'ike i ka nani o nā pua like 'ole
'A'ole no e like me 'oe
E ku'u ipo onaona

Ha'ina 'ia mai ana ka puana lā
Eia mau au ke kali nei lā
Mai lohi mai 'oe e ku'u ipo lā
E ala wiki mai 'oe