He mana'o healoha
No ka ipo lei manu


He manu ku'u hoa
Noho mai i ka nahele


'I'iwi o uka
Polena i ka ua


Elua maua
I ka po ua nui


Ua o Hanalei
Anu au ma'e'ele


Ua anu ho'i au
I ka ua noe anu


Na hau o Ma'ihi
'Au ana i ke kai


Na ulu o wehi
Punohu mai ana


Ke 'ala o ka hala
Hala o mapuana


Onaona i ka ihu
Ke 'ala pua loke


Hone 'ana i ka mana'o
E naue ku'u kino


Ko hiki 'ana mai
Hau'oli ku'u mana'o


Ha'ina ka puana
No kalani heleloa